Вицепремиерот и министер во Министерството за политички систем и односи меѓу заедниците, Артан Груби, синоќа, прво правеше увид како се чисти чаршијата од работниците на „Комунална хигиена“, за потоа и тој да се фати за цревото, за да им помогне. Сето ова се случуваше на еден час пред полноќ, а за да го овековечи моментот, Груби си правеше и пренос во живо на социјалните мрежи.
Додека Груби прскаше околу џамијата во чаршија, го следеа неколку фотографи и цел ПР тим. Работниците на „Комунална хигиена, му го влечеа цревото зад него, бидејќи беше тешко за вицепремиерот и министер. По минута и половина, Груби им го врати цревото на комуналните работници, а ПР тимот го исклучи преносот во живо.
Инаку, „Комунална хигиена“ во пресрет на празникот Рамазан бајрам, врши миење односно чиестење на површините околу поголемите верски објекти во делови на Скопје, како што се Старата чаршија, Чаир, Сарај.
