ВИДЕО: Градски парк 2 ќе никне на местото на расчистената дива депонија во Карпош

Од:

Екипи на Градот Скопје и на Општина Карпош денеска почнаа голема акција за расчистување на децениските депонии зад Спортскиот центар „Борис Трајковски“, на кејот на реката Вардар. Во активностите е вклучена механизацијата и работниците на ЈП „Водовод и канализација“, а расчистувањето на просторот се очекува да трае околу 10 денови. На акцијата за чистење присуствуваа градоначалникот Петре Шилегов и градоначалникот на Општина Карпош, Стефан Богоев.

– Оваа дива депонија претставува повеќедецениски горлив проблем. Почнала да се формира со одлагање на урнатините по катастрофалниот земјотрес во Скопје уште во 1963 година. Повеќе генерации градски и општински градоначалници го игнорирале проблемот, а за жал некои од нив продолжиле да го одлагаат отпадот на оваа локација. Сега, заедно со Општина Карпош конечно најдовме решение за овој проблем и со тоа почнуваме со реализацијата на уште едно од нашите предизборни ветувања. Денеска го почнуваме чистењето на оваа депонија, после што ќе следува покривање на површината. На ова место ќе подигнеме парк на површина од над 90.000 квадратни метри (над девет хектари) кој ќе го наречеме Градски парк 2 – рече денеска градоначалникот Шилегов.

Тој додаде дека новиот парк ќе биде подигнат со донации од општествено одговорни компании при што трошоците на Град Скопје и на Општина Карпош за подигнување на овој парк би биле незначителни во однос на неговата реална вредност.

Овој парк е лоциран во делот од градот кој е уреден со регулацискиот план за градската четврт „З 04“ кој беше усвоен минатата година од Советот на Град Скопје. Согласно со потребите на граѓаните, со регулацискиот план предвидените 4,03 хектари површина за парковско и заштитно зеленило во оваа четврт, се зголемени на 11,51 хектар. Просторот за домување кој е предвиден во ГУП на Град Скопје за оваа градска четврт со вкупна површина од 10,97 хектари со овој регулациски план е намален на 3,13 хектари. Во планот се предвидени 3,36 хектари за инфраструктура, како и 6,34 хектари за секундарни улици. За прв пат е додадена и можност за основно училиште и градинка.

– Град Скопје продолжува да ги следи потребите на граѓаните, а особено внимание посветува на зголемување на зелените површини имајќи предвид дека на градот му недостига зеленило како важен фактор кој влијае на намалување на загадувањето на амбиентниот воздух – нагласи Шилегов.

Би можело да ве интересира

Советничка група на ВМРО-ДПМНЕ: Шилегов наместо работа се занимава со крпење на улици, зад кои стои сомнеж за дебела заработка

Ана Ололовска

Затворен за сообраќај крак на улица „Христо Татарчев“

Ана Ололовска

Советничка група на ВМРО-ДПМНЕ: Шилегов да ги слушне барањата на скопјани за изградбата на подземна сообраќајница на Кале

Ана Ололовска

Советничка група на ВМРО-ДПМНЕ: Шилегов да се откаже од нови коли, а владата од бизнисот со цвеќиња, за да се пошумат опожарените места

Ана Ололовска

Советничка група на ВМРО-ДПМНЕ во Град Скопје: Шилегов вработил над 1.000 партиски војници за две години

Ана Ололовска

Комуналните инспектори фатиле група која палела кабли под Кале

Ана Ололовска