Охрид почна да се поплавува. Улиците во центарот на градот покрај градскиот кеј и во стариот дел на градот се под вода од високите бранови од езерото. Врнежите од дожд и ветерот кој дува прават проблеми во градот, особено во населбите кои се наоѓаат покрај самиот езерски брег.
Жителите од охридската населба Канео, чии што куќи се наоѓаат на само неколку метри од езерото велат дека и оваа ноќ најверојатно ќе ја поминат будни од страв да не се случи некој немил настан од високите и непрдвидливи бранови за кои велат дека можат да ја загрозат нивната безбедност.
Градските власти во Охрид побараа од надлежните државни институции навреме да реагираат и да спречат да не дојде до излевање на езерото за кое што рекоа дека нивото било за неколку сантиметри над максимално утврдената кота. Побараа и од ЕЛЕМ да почне со испуштање на поголемо количество на вода од езерото преку Црни Дрим.
