(ВИДЕО) Голем пожар – црн чад и силен мирис – Гори фабрика за бои и лакови во Фалиште, Тетово

Од:

Опасен пожар беснее во фабрика за бои и лакови во село Фалиште, тетовско. Како што може да се види од фотографиите огнените јазици го зафатиле целиот објект од кого се шири и густ црн чад.

Според пријавата за пожар во ЦУК, преку Единствениот број за итни повици 112 гори во фабриката за бои и лакови ,,Еуроком”. Пожарникарите од ТППЕ Тетово веднаш се излезени на терен. На припомош пристигнале и колегите пожарникари од Гостивар.

Директорот на Центарот за управување со кризи, Стојанче Ангелов, по првичната координација на ЦУК за опасниот пожар кај с. Фалише се упати во Тетовско.  Од Ангелов е координирана помош од пожарникарите од Скопје, Гостивар, Велес и Куманово.

Побарана е и помош од гостиварски приватни фирми коишто можат да помогнат со машинерија, бидејќи ситуацијата е алармантна за расчистување на материјалите што се во магацинот, а не се фатени од пожарот. На околното население им се препорачува да ги затворат прозорците и да не престојуваат надвор, на отворено.

Инаку, Ангелов координираше и за ангажман на хеликоптер од МВР, но временските услови во Тетово (густа Магла) не дозволуваат гасење на пожар од воздух во овој момент.

Од ЦУК препорачуваат населението во линија на чадот од пожарот да ги затвори прозорците и да не престојуваат надвор, на отворено.

Би можело да ве интересира

Момче загина во пожар во Англија, уапсени се 14 деца

Насилник го нападнал новинарот Неврим Адеми

Меџити: Градиме патишта за нашиот народ, Коридорот 8 е повеќе од пат

Автопатот Тетово-Гостивар долг 17,5 километри ќе биде готов за две и пол години

Горан Наумовски

Тетовчанка е измамена за речиси 2.000 евра од државјанин на Косово

Влен: Започнува изградбата на новиот автопат Тетово-Гостивар, стратешка инвестиција во служба на граѓаните