(ВИДЕО) Ѓорѓиевски: Додека Спасовски тера партиски агенди, во Македонија се лее крв по улици, домови и по угостителски објекти

Од:

Додека Оливер Спасовски си тера партиски агенди и дели партиски книшки во Куманово, во Македонија се лее крв по улици, по домови, и по угостителски објекти, рече Орце Ѓорѓиевски од ВМРО-ДПМНЕ на прес-конференција.

– Крвавиот викенд за само 36 часа донесе три свирепи убиства. Освен ликвидацијата на човекот во Ѓорче Петров, вчера се случи и убиство во угостителски објект во Кичево и убиство во дом во Прилеп. Полицијата наместо да биде гаранција за редот и мирот, немо посматра како црнилата ги зафаќаат улиците и домовите ширум Македонија. Сето тоа е резултат на непрофесионалноста и неспособноста на првиот човек на Министерството за внатрешни работи, Оливер Спасовски. Затоа довербата во полицијата е падната на 31% меѓу граѓаните, затоа корупцијата постојано зема замав, затоа рекетарите се чувствуваат заштитени, затоа убиствата станаа наше секојдневие, затоа имаме зголемување на насилството. Животот на граѓаните им се претвори во сцени од филмовите за дивиот Запад, рече Ѓорѓиевски.

Тој додаде дека општ впечаток во Македонија е дека постои коалиција меѓу криминалот и власта.

– Речиси да нема криминалец во земјата, убиец или рекетар кој не се има срдечно фотографирано со Зоран Заев или Оливер Спасовски. Затоа се осоколени во своето дивеење, бидејќи блискоста со власта прави да се чувствуваат заштитени дека ќе поминат неказнето. Тоа што криминалот царува е одраз на работењето на Оливер Спасовски. Кога сите гледаат како се прават матни и криминални зделки од врвот на МВР, кога гледаат селективност и нестручност, кога гледаат неспособност од Спасовски, логична последица на сето тоа е она што во моментов ни се случува во државата. Оливер Спасовски мора да замине за да се врати угледот на институцијата и да се врати редот и безбедноста во нашата држава. Тоа граѓаните го чекаат и очекуваат, рече Ѓорѓиевски.

Би можело да ве интересира

Манасиевски: Скопјани на 2 ноември избираат пред се човек, а потоа и градоначалник, Орце Ѓорѓиевски и ВМРО-ДПМНЕ ќе постават нови темели за чисто и модерно Скопје

Предраг Петровиќ

Лeвица: Кандидатите на ВРЕДИ шират шовинистичка реторика и етничка омраза кон македонскиот народ

Мицкоски: По 7 години грабеж и национално понижување од овие пред нас, ни требаше освежување и нова енергија

А1он

ВМРО-ДПМНЕ: 10 спрема 1 по освоени општини во првиот круг е соодносот на ВМРО-ДПМНЕ со СДС

Бајовски: Со нови инвестиции и поддршка од Владата, Чучер Сандево ќе се вклопи во сликата на Скопје

ВМРО-ДПМНЕ: Докажавме дека ја имаме довербата од народот

Горан Наумовски