„Почитувани граѓани, полека изминуваат последните 2 дена од изборната кампања. Во изминатиов период ги посетивме сите населени места во општина Гази Баба, го презентиравме нашиот план за живот за сите, но и ги слушавме предлозите на нашите граѓани.
Заедничкиот заклучок е дека во изминатите 12 години општината е водена од неодговорни луѓе чија единствена цел биле тесно партиски интереси.
Дојде време ова да го промениме затоа што граѓаните заслужуваат локална власт која ќе работи транспарентно, посветено и одговорно.
Гази Баба заслужува нови училишта и градинки, заслужува еколошки чиста животна средина и квалитетни инфраструктурни објекти. Заслужува и во најбрз период да биде гасифицирана, но и да овозможи услови за нови и добро платени работни места.
Новата локална власт домаќински ќе управува со буџетот и ќе ги враќа парите кон граѓаните.
Почитувани, јас и мојот тим одговорно и отворено ја бараме вашата поддршка во недела.
Поддршката за бројот 19 ќе значи отворање на патот кон изградба на општина со модерни карактеристики.
Општина услужна и отворена за сите.
Затоа ве повикувам да го поддржиме бројот 19 за живот во Гази Баба за сите“, изјави Борис Георгиевски, кандидат за градоначалник на Општина Гази Баба.