Протестот пред Влада ескалираше откако полицијата ги истурка демонстрантите од дворот на објектот и ги врати назад на улица. Во неколку наврати опремените специјалци ги поттиснаа незадоволните граѓани кои не престануваа да скандираат и да фрлаат со предмети кон Владата. Граѓаните се најдоа пак на улица откако кордон на специјалци го зазедоа редот на линија на знамињата.
Граѓаните се исплашија и почнаа да бегаат кога беа донесени два водени топа од страната која води кон мостот „Гоце Делчев“.
И покрај тоа револтот на демонстрантите не стивна туку напротив се зголеми.
Граѓаните извикуваа „Убијци! Убијци!“ и фрлаа со шишиња полни вода кон полицијата.