Ова е однапред подготвено сценарио да се изврши притисок на судијата, флагрантен притисок на водење на постапката, засудувачки приговори, резултатот е повеќекратно казнување. Колку и судија да е трпелив, поинакво постапување на постои, законот не предвидува да се толерира агресивно однесување без правна основа, рече Никола Додовски, адвокатот на лидерот на ВМРО-ДПМНЕ.
Според него, обвинителките од Специјалното јавно обвинителство Катица Јанева и Фатиме Фетаи ја опструирале постапката со приговори кои немале правна основа.
– Не беа приговорите затоа што не беа доставени записниците, туку заради одредени забелешки на записникот. Тие се доставуваат до судијата. На забелешки тој одлучува дали се основани и го корегира или не записникот. Навреди кон судот, записникот ви е интелектуален фалсификат е притисок пар екселанс, рече Додовски.
