Адвокатот на премиерот Никола Груевски, смета дека клеветата која ја изнел лидерот на опозицијата Зоран Заев е досега најтежок облик на изнесување невистини и затоа е убеден дека правната разврска ќе биде во полза на неговиот клиент.
Додевски во судница се противаше да се одложи рочиштето, зашто според него законот не налага облигаторно прекинување на постапката зошто поднесената кривична постапка за Македонска банка нема мегусебна зависност со тужбата за навреда и клевета поднесена од Груевски.
Адвокатот на премиерот не одговори дали го чул аудиото и дали можеби го препознал гласот на Груевски, објаснувајќи дека не коментира докази надвор од судница.
„Не се впуштам во коментирање докази надвор од судницата. Ќе ги чуете нашите ставови и како што видовте денеска подготвителното рочиште се откажа а на наредното рочиште ќе ги чуете ставовите околу доказите“, рече Никола Додевски.
Бојан Стојановски