Амбасадорката на Србија во Македонија Душанка Дивјак-Томиќ која беше пристуна на скопскиот плоштад се заблагодари на помошта која се собира за поплавените подрачја.
-Ова е импересивно, македонскиот народ реагираше исклучително, прискокна во помош веднаш по апелот на Србија. Тоа што ни се случи, не го памети никој во Србија, голема површина во Србија е зафатена. Им се заблагодарувам и на Владата и на народот на Македонија. Приоритетно е се, ова ќе биде исклучително вреднувано во Србија и се надевам ќе стигне помошта каде што ќе треба. Ова е почеток, допрва ќе треба уште помош, искрено се надеваме дека помошта ќе продолжи да се упатува во количини во кои македонскиот народ има можност, но и најмала поединечна помош за нас е драгоцена, рече амбасадорката на Србија, Дивјак-Томиќ.