ВИДЕО: Димовски го критикува носењето закони во скратена постапка, Тунтев се брани дека веќе било дискутирано за предлозите

Од:

Пратеникот од ВМРО-ДПМНЕ, Илија Димовски забележа на Владата и на пратеничкото мнозинство за носењето на закони по скратена постапка.

– Дел од законите се зголемување на прагот за плаќање на придонеси и имаат содржинска измена, рече Илија Димовски и нагласи дека пратениците на СДСМ биле гласни критичари на скратената постапка.

– СДСМ реагираше и правеше главна тема за носењето закони по скратена постапка. Ви ја разбирам позицијата, но ве потсетувам дека различно настапуваше СДСМ кога беше во опозиција, вели Димовски и им порача на пратениците од СДСМ да се спротивстават на ваквото однесување на Владата и некогаш ако треба да гласаат и против некој закон доколку е поднесен по скратена постапка.

Кооридинаторот на пратеничката група на СДСМ Томислав Тунтев, истакна дека за три од седумте закони веќе било дискутирано уште кога тие ги предложиле како опозиција.

– Во скратена постапка одат законите за кои што веќе имало дискусија. А другата група на закони, од сферата на финансиите и социјалната заштита се за одложување на законските решенија. Ние како пратеничка група сме против разгледување на закони во скратена постапка, изјави Тунтев и нагласи дека овие закони се донесени од претходното парламентарно мнозинство и излегуваат во пресрет на граѓаните за овозможување на практична примена.

Би можело да ве интересира

Жените мора да се чувствуваат безбедно и сигурно, реагира Клубот на пратенички

Реџепи: Денеска за малку ќе бевме сведок на нов скандал од страна на претседателот на Собранието

Засега без јавно образложение е одложена денешната седница на Комисијата за контрола на АНБ

Горан Наумовски

Димаљ Баша е новиот претседател на косовското Собрание

13 кандидати за претседател на ДКСК

Собранието одлучи измените и дополнувањата на Изборниот законик да се носат во скратена постапка

Катерина Ѓуровски