„Токму на ова место пред 17 дена Груевски и Јолевски отпочнаа со имплементацијата на проектот „АРМ – мој вистински дом“. Фрлија лопати и си заминаа.
Еве ја реалната состојба, какво е сега. Најавија градилиште и почеток на градба на станови за војниците.
За жал, денеска овде има се, но градилиште не. Дури и лопатите коишто ги користеа ги нема. Остана само еден недовршен камен темелник.
Груевски заедно со Јолевски повторно ги изманипулира професионалните војници.
За ваквите дела од делот на преродбата којашто заврши во лавиринт, Груевски ќе биде казнет по 11 декември токму од граѓаните и од припадниците на Армијата на Република Македонија.
По 11 декември СДСМ ќе обезбеди реални услови на одбраната и Армијата. Ќе ја вратиме честа и достоинството на војниците и ваквите состојби ќе бидат минато“, изјави претседателот на Комисијата за одбрана на СДСМ, Максим Димитриевски.