Илјадниците демонстранти освен против аболицијата на Иванов, денеска протестираа и за петгодишнината од смртта на Мартин Нешковски.
Тие плоштадот го обоија во црвено, со пораки дека не е заборавено убиството на Мартин и дека нема да биде простено.
„Правда“, „Убијци“, „Утре може да е и ваше дете“, порачаа демонстрантите од плоштадот.
Пред Собранието, се пуштаа „бомбите“ на СДСМ, каде се слушаат гласови кои според опозицијата се на екс министерката за внатрешни работи Гордана Јанкуловска и екс портпаролот на МВР и актуелен портпарол на ВМРО-ДПМНЕ, Иво Котевски кои се договараат како да го сокријат монструозното убиство.
Демонстрантите од таму истакнаа дека ако треба ќе протестираат уште десет години, но правда за младиот Нешковски ќе има.
На крајот на протестот, пред Владата со црвена боја исфарбаа фотографии од Никола Груевски и Гордана Јанкуловска и испишаа пораки „Убијци“ и „Пробавте да скриете“.