Полицијата се повлече кон оградата од Владата откако илјадниците демонстранти извикуваа да бидат тргнати барикадите. Демонстрантите извикуваа „Слобода, Слобода“ и ја повикуваа полицијата да ги спушти штитовите и да им се приклучи на протестот.
Протестите беа мирни, но и најмасовни од низата протести деновиве, иако немаше демонстранти од други градови на државава. Инаку, освен блокадата пред Влада, полицијата ги има блокирано сите влезови кон Собранието и седиштето на ВМРО-ДПМНЕ.
