(ВИДЕО) Даница Павловска: Граѓаните се силата што може да го заштити ГТЦ

Од:

Граѓаните се силата која може да го зачува она што е културен живот на градот, рече Даница Павловска од иницијативата „Го сакам ГТЦ“, на самиот почеток од денешната седница во Општина Центар каде се обрати како претставник од невладиниот сектор.

Иницијативата за референдум денеска се разгледуваше по барање на Асоцијацијата на архитекти на Македонија и на група граѓански активисти. При тоа беше донесена одлука референдум да се одржи на 26-ти април.

Мислејќи на овој објект, Павловска рече дека претставува културно наследство и дека во неговата суштина се наоѓа животот и динамиката на градот.

Таа потсети на изминатите активности кои ги презедоа невладините организации за да се заштити автентничкиот изглед на објектот. До сега иницијативата „Го сакам ГТЦ“ организираше неколку протестни акции против намерите за негова барокизација, беа собрани илјадници потписи од граѓани поддржувачи, а пред Нова година се одржа последниот протест.

– Очекувавме стручната фела, оние кои го познаваат ГТЦ, дека ќе застанат зад него. Излегоа и граѓаните, ни се придружија во енормна бројка. Тоа не охрабри да продолжиме со процесот за зачувување на автентничноста на неговиот изглед. Ја имаме поддршката на граѓаните и таа е мотив повеќе да продолжиме. Немаме ништо против интервенцијата , но при тоа да се задржи неговата автентичност – рече Павловска.

Таа потсети на протестот што се одржа на Нова година кога на влезот од трговскиот центар се собраа стотици луѓе и покрај студеното време. Протестот беше испровоциран од најавите дека се подготвува план реконструкцијата на ГТЦ да ја финансира приватен инвеститор преку јавно приватно партнерство.

– За идниот приватен инвеститор е многу важно да знае колку им значи на граѓаните. Дека е повеќе улица отколку затворен простор, дека не е само стоковна куќа, туку дека ги поврзува реката и паркот. ГТЦ е суштински дел од она што значи живот на Скопје. Тој е идеално осмислен како комбинација од деловен, комерцијален и инфраструктурен простор. ГТЦ е егземплар, доаѓаат студенти и архитекти да го посетат овој уникат во регионот, неговиот значај е поголем од она што претставуваме како локална заедница – рече Павловска.

Маја Васева

Би можело да ве интересира

Општински инспектори почнаа да мерат бучава во Центар, на два објекта им наложија да се стишат

Жарко Настоски

Центар ќе казнува локали за гласна музика, се бунеле жителите

Жарко Настоски

Центар раскина договор за катна гаража на „Климент Охридски“, просторот ќе биде парк

Маја Илиевска-Пачемска

Општина Центар по 12 години сама ќе одлучува за летните тераси, Градот ѝ ги предаде надлежностите

Жарко Настоски

На „Ленинова“ и „Максим Горки“ веќе нема паркирање со пораки, на тие места ќе паркираат жителите

Жарко Настоски

Центар има 32 барања за градење, укинатиот мораториум отвори можност за градежна офанзива по плановите оценети како криминални

Маја Илиевска-Пачемска

Leave a Comment

4 × 3 =