(ВИДЕО) ЦУК: Локализиран пожарот кај Дојран и Богданци

Од:

Пожарот кај селото Фурка и браната Паљурци, помеѓу општините Дојран и Богданци е локализиран со здружени и координирани сили во текот на денот со дејство и од земја и од воздух. Огнот е опкружен и догорува само во контролираните површини, „енклави“ – внатрешно согорува, известуваат од Центарот за управување со кризи.

– Со неговото локализирање се прегрупираат силите за негово догасување, така што дел од ангажираните сили ќе догасуваат и ќе дежураат до 24 часот, полноќ, а потоа други сили до рано наутро, кога околу 05.00 часот е предвидено вработени од Јавно претпријатие Национални шуми (ЈПНШ) Подружница Кожув Гевгелија да ја проценат ситацијата на локализираниот пожар на терен, по што, според таа проценка е предвидено избирање на соодветно тактичко дејствување за негово догасување, велат од ЦУК.

„Практично, денеска преку Центарот за управување со кризи (ЦУК), беше побарана и обезбедена воздушна поддршка, па дејствуваа по пожарот од воздух еден полициски хеликоптер од Министерство за внатрешни работи, еден армиски хеликоптер на Министерството за одбрана и авионот „ер трактор“ од Дирекцијата за заштита и спасување заедно со силите на Територјалната противпожарна единица ТППЕ Гевгелија, Доброволно противпожарно друштво Дојран, Комуналец Гевгелија, Комунално Дојран, Јавно претпријатие Национални шуми (ЈПНШ) Подружница Кожув Гевгелија, ТППЕ Кавадарци, ТППЕ Валандово, ДЗС – Валандово, МВР ПС Гевгелија и ТППЕ Струмица, а и дел од локално население, за негово гаснење“, се додава во соопштението на ЦУК.

Би можело да ве интересира

Догорче од цигара причина за пожарот во ГОБ „8 Септември“, нема повредени

Пожар во болницата „8 Септември“ во Скопје, пациентите се евакуираат

Горан Наумовски

Пожар во подземниот паркинг на КАМ мол во Ѓорче Петров, евакуирани посетителите

Горан Наумовски

Изгорен стан во Белград, во ходникот пронајдено тело на 55 годишник

А1он

По повеќечасовна потрага, пронајден планинарот кој исчезна во Мариово

Двајца пожарникари загинаа додека гасеа пожар во близина на Атина