Нема да дозволиме да се уништи брендот „Чичко Стоилко“, но ни е криво што мораше да си одиме вака. Сопственичка на оваа скопска сендвичарница крајно вознемирена разочарана и револтирана праша како ќе продолжат да живеат сега, кога сендвичарницата е единствениот прилив на пари за нејзиното семејство но и за вработените кои се лојални повеќе од 30 години.
Лузена Павловска, заедно со вработените кои постојано ја тешеа гледаа како објектот кој ги прехрануваше се урива пред нивни очи.
„Ќе продолжиме со традицијата, мора поради татко ми. Револтирани сме, имаме многу вработени кои ќе останат без работа и што ќе прават додека се снајдат? Сите чекавме од оваа сендвичарница. Ни е криво што ова се направи баш вака“, рече сопственичката Лузена Павловска.
Незадоволството не го криеjа ниту случајните минувачи кои видоа дека „Чичко Стоилко“ се урива. Велат дека пораснале со нивните сендвичи.
„Од оваа трафика живееа на син му децата. Погина син му, погина ќерка му, останаа четири деца сираци, од што ќе жиеват?“
Сендвичарниците на ГТЦ му плаќале месечен надоместок, но директорот Аго Абазовски објасни дека уривањето не е под нивна ингеренција и дека одлуката била оддамна донесена само се пролонгирала.
Бојан Стојановски