Празникот „Ден на народното востание – 11 Октомври“ денеска беше традиционално одбележан и во Куманово.
Владината делегација предводена од министерот за внатрешни работи Оливер Спасовски, министерот без ресор задолжен за регулатива за подобрување на инвестициската клима за домашните претпријатија Зоран Шапуриќ, министерка без ресор задолжена за странски инвестиции Зорица Апостолска, положија свежо свеќе на Спомен Костурницата во Куманово.
На положувањето венци свежо цвеќе учествуваа и делегации на Сојузот на борците, делегации на Собранието на РМ и на Општина Куманово, како и делегации на невладини организации и граѓани.
Чествувањето продолжи со интонирање на химната на Република Македонија од страна на градски оркестар „Илинден“ од Куманово, и со кратка пригодна музичка програма во изведба на учениците од СОУ гимназија „Гоце Делчев”-Куманово, после кое поздравен говор одржа градоначалникот на Општина Куманово Зоран Дамјановски.
