„Денес, јас и мојот тим, од овде, од Карпош 2 најавувавме нов проект со цел грижа за највозрасните карпошани – за пензионерите од општина Карпош.
Проектот маалска Здравствена патрола предвидува бесплатни здравствени прегледи за сите пензионери на територија на општина Карпош, со цел пензионерите и најзвозрасните граѓани на општината да ги одржуваме здрави и во добар здрав дух.
Дополнително, најавуваме и отворање на бесплатна телефонска линија “Пријави проблем” преку која повозрасните лица, пензионерите но и оние лица со хендикеп ќе можат да пријават проблем, а и опшштината преку нејзина служба да им заврши некоја административна работа или да ги пренесе и транспортира до одредена дестинација.
На овој начин, се обврзуваме и јас и мојот тим дека целосно и редовно ќе се грижиме за здравјето на сите наши сограѓани, особено за здравјето на нашите највозрасни сограѓани, оние кои нас не израснаа и исчуваа“, изјави Стефан Богоев, кандидат на СДСМ и коалицијата за градоначалник на општина Карпош.