„Драго ми е што позади мене, токму во овој парк ја слушам топката од играта на најмладите.
Заедно протестирајќи во Тафталиџе 1, со нашата енергија и упорност ги победивме багерите на Стевчо Јакимовски и ВМРО-ДПМНЕ“, започна Стефан Богоев на средбата со граѓаните од Тафталиџе 1 кои го одбранија локалниот парк од нова зграда.
Богоев потенцираше дека проблемот околу паркирањето на улица “Прашка” ќе биде решен, а ќе се обезбеди и ограничување на брзината по сервисните улици.
Едномесечните средби со новата локална власт ќе бидат реалност. Ова ќе биде простор за презентација на различни идеи и размена на мислења меѓу граѓаните.
Средбата заврши со ветување дека после 15-ти октомври паркот ќе биде дополнително уреден, со тековно одржување на зеленилото и поставување на содржини за младите, повозрасните граѓани и домашните миленици.