„Во Карпош паркингот и понатаму ќе биде бесплатен.
Меѓутоа, новата општинска власт предводена од мене како Ваш иден градоначалник и прв пријател воведува ред во паркирањето и го решава хаосот во паркирањето.
Денеска, пред карпошани, најавуваме изградба на нови, модерни еко паркинзи, паркинзи на нивоа кои нема да уништат зеленило, напротив ќе го зголемат зеленилото бидејќи целосно ќе бидат обвиени во зеленило, со систем “Капка по капка” , а од горе на монтажните еко паркинзи ќе имаме и соларни панели кои ќе обезбедуваат преку ден сончева енергија, за ноќното осветлување на еко паркинзите.
На овој начин ќе го решиме паркирањето во Влае, Карпош 2, Карпош 3, Карпош 4, Козле и на сите места каде имаме проблем со паркирањето во Карпош.
Паркинзите остануваат бесплатни и обезбедуваме повеќе зеленило со овие модерни еко паркинзи.
За ова да се оствари, Ве повикувам сите на масовна политичка мобилизација на 15-ти октомври , заедно да си ја вратиме општината, заедно да го вратиме животот во Карпош“, изјави кандидатот на СДСМ и коалицијата за градоначалник на Општина Карпош, Стефан Богоев.