Благој Бочварски, потпретседателот на СДСМ денеска во изјава за медиумите рече дека Владата предводена од СДСМ и надлежното министерство обезбедиле грант од 35,4 милиони евра, неповратни средства од ИПА програмата за изградба на патот Дреново-Градско за што бил потпишан билатерален договор со Европската Унија.
– Со изградбата на оваа делница значително ќе се придонесе кон модернизација на патната инфраструктура во Пелагонискиот регион и за граѓаните од овој крај тоа ќе значи побрз пристап од едното до друго населено место и побрз трансфер на стоки и услуги. Изградбата ќе се одвива на ниво на експресен пат во должина од 15 километри кој ќе ги задоволува сите безбедносни и сообраќајни стандарди, рече Бочварски.
Тој додаде дека со оваа значајна капитална инвестиција ќе се унапредат бизнис релациите, траснпортот на стоки и луѓе во регионот на Градско, Кавадарци, Прилеп, Битола, Кривогаштани, Крушево и Охрид.
– Македонија оди напред! Владата предводена од СДСМ согласно програмата работи на изградба на капитални проекти во инфраструктурата кои ќе придонесат кон севкупен економски раст и развој на држвата, рече Бочварски.