Автобуси на „Нехар травел“ останаа на граничниот премин Блаце и не им беше дозволен излез од државата согласно заклучокот на Владата со цел превенција од ширење на коронавурсот, а на ова претходела расправија меѓу патниците и сопственикот на компанијата кој не дозволувал откажување на турата и рефундирање на средствата. Тие се вратени назад во Скопје, а во двата правци беа следени со полициски возила.
Патниците барале да се откаже турата поради актуелната состојба, но сопственикот на туристичката компанија не дозволил и настојувал да се оди на патувањето. Некои од патниците и по цена да не им се вратат уплатените средства не заминаа за Црна Гора, а останатите, околу 20 лица, заминаа за да не им пропаднат парите. Сопственикот на туристичката агенција „Нехар травел“ дозволил враќање на само 10 проценти од целата сума, велат дел од патниците.
Владата со мерки за спречување на ширење на коронавирусот, забрани патување во високоризичните земји со организиран превоз, за што предупреди, дека автобусите ќе бидат враќани од граница.
Турата на „Нехар травел“ требала да трае четири дена.