„Вакви повици до ученици, за бојкот на настава за партиски протести, никогаш повеќе нема да се повторат.
Оние кои злоупотребуваат деца и ученици, за лични, партиски, криминални агенди, многу брзо ќе се соочат со законот и ќе одговараат.
Недозволиво е да се повикуваат ученици да бојкотираат настава за да бидат дел од протести на кои се поттикнува и шири етничка и национална омраза.
Тоа е кривично дело!
Затоа порачуваме на раководствата на училиштата да ги заштитат учениците. Да не дозволат никој да манипулира и да ги злоупотребува за партиски цели.
И учениците и родителите имаат право да се чувствуваат безбедни, без какви било притисоци за време на училишниот ден и потоа.
Демократските процеси се незапирливи.
Училиштата ќе бидат места каде што децата ќе бидат воспитувани и образувани во духот на заедништво, соживот и демократски вредности.
Не за поделбите и изолацијата, да за иднината и за животот“, изјави Петар Атанасов, претседател на Комисија за образованиe на СДСМ.