(ВИДЕО) Арсовски: Советник од СДСМ за три години земал стотици илјади евра од тендери

Од:

„Во едно сме сите сигурни, а тоа е дека функционерите од редовите на СДСМ изминативе три години живеат единствено на грбот на граѓаните и со парите на граѓаните.

Изминативе 3 години откако е СДСМ на власт гледаме само скандалозни и наместени тендери, криминал, корупција, неуспеси и пропаст за нашата држава.

Функционерите од редовите на СДСМ наместо да работат за граѓаните, работат за себе и за своите џебови и ги испумпуваат парите од буџетот на Република Македонија“, вели Димче Арсовски, Портпарол на ВМРО-ДПМНЕ.

„Фирмата Бригада Дизајн, која го подели тендерот од 200.000 евра за маркетинг услуги со уште една друга маркетинг агенција од Фондот за иновации, редовно си добивала тендери од државни институции од 2018 година па навака, и тоа откако дојде СДСМ на власт, иако Бојан Ивановиќ кој што е еден од челните лица на агенцијата, е советник од редовите на СДСМ во Град Скопје кај Петре Шилегов и е редовен поддржувач на политиките на СДСМ.

Годините 2018, 2019 и 2020 биле навистина плодни за советникот на СДСМ, кој ја води фирмата Бригада Дизајн. Бојан Ивановиќ од СДСМ во 2018 година од Фондот за иновации зема тендери во висина од 2.7 милиони денари, за потоа на крајот на 2018 односно почеток на 2019 година исто од Фондот за иновации да земе тендер во висина од 1.4 милиони денари, за потоа да земе и тендери од Регулаторната комисија за енергетика во 2019 година во висина од над 500.000 денари за промоција на регулаторната комисија. За 3 години без последниот тендер оној од 200.000 евра, советникот од СДСМ земал над 4.5 милиони денари, а заклучно со последниот над 10 милиони денари, пари од граѓаните, кои што завршиле во џебот на еден советник од редовите на СДСМ во Град Скопје.

Да нотираме неколку работи, а тоа е додека советникот од СДСМ Бојан Ивановиќ зема тендери од Регулаторна, истата таа регулаторна која потоа ја покачи цената на струјата на граѓаните и сега граѓаните плаќаат повисока цена на струја. Нормално како што говоревме и претходно, овие пари од повисоката цена завршуваат во редовите на СДСМ.

Исто така да потенцираме дека тендерите кога ги зема овој Бојан Ивановиќ кој е советник од СДСМ се во изборни години, односно во 2018 година кога СДСМ организираше и учествуваше на референдум, во 2019 година кога беа Претседателските избори за Стево Пендаровски и во 2020 година односно кога беа Парламентарните избори.

Оттука потекнува сомнежот кој го изразивме и вчера дека можеби СДСМ ги финансира своите кампањи преку државните институции, од државните институции, односно со парите на граѓаните коишто ги испумпува преку своите советници, функционери, нивни блиски фирми, а тука станува збор за стотици илјади евра испумпани преку советникот на СДСМ во Град Скопје кај Петре Шилегов, Бојан Ивановиќ. И оттука прашуваме, дали е ова вистина?

Јавно прашуваме, дали СДСМ ќе преземе одговорност за ова што се случува со овие скандалозни тендери, дали Петре Шилегов ќе побара оставка од својот советник Бојан Ивановиќ, дали Коста Петров ќе го раскине спорниот тендер и ќе направи ревизија на претходните тендери кои што ги добил советникот од СДСМ и дали конечно Антикорупциска комисија која стана експерт за прикривање корупција на власта, конечно ќе отвори случај да ги истражи овие тендери?

За регулаторната комисија не ни коментираме веќе, бидејќи знаеме дека тие работат единствено под диктат на Заев, така да Заев ќе треба да им каже дали да го ревидираат или раскинат тендерот кој што бил претходно доделен.

Во спротивно, доколку сето ова остане статус кво, ова е резултатот на СДСМ клептоманска. Ако стотици илјади евра завршуваат кај советници од редовите на СДСМ од Град Скопје, може само да замислите колку пари на граѓаните од буџетот на Република Македонија завршуваат кај министрите и другите функционери коишто се од повисок ранг на СДСМ и власта“, изјави Димче Арсовски, Портпарол на ВМРО-ДПМНЕ.

Би можело да ве интересира

ВМРО-ДПМНЕ поднесе Предлог-закон за престанување на важење на Законот за попис

Ана Ололовска

(ВИДЕО) Стоилковски: Омилената фирма на Филипче „Кубис медикал“ за 3 години добила државни тендери од 5 милиони евра

Ана Ололовска

ВМРО-ДПМНЕ: Заев и Николовски не може да се борат против корупција, тие се извор на корупција

Ана Ололовска

ВМРО-ДПМНЕ: Заев најавува ново задолжување од 700 милиони евра, јавниот долг ќе надмине 7 милијарди

Ана Ололовска

ВМРО-ДПМНЕ: Филипче ставил потпис за набавка на томографи 15 милиони поскапи од првпат понудените

Ана Ололовска

ВМРО-ДПМНЕ: Владата најитно да го осуди однесувањето на Радев

Ана Ололовска