(ВИДЕО) Арафат Муареми: Под лупа на Финансиска, имотот на најмалку двајца актуелни судии и еден обвинител

Од:

Финансиската полиција ја финишира истрагата за најмалку двајца актуелни судии и еден обвинител.Како што тврди директорот на Управата за финансиска полиција, Арафат Муареми, оваа истрага ќе одведе и до нови сознанија за други судии и обвинители.

Само оваа година финансиската полиција со своите кривични пријави лоцирала криминал во вредност од 150 милиони евра, што е за 50 милиони повеќе од лани, но најголем дел од овие кривични пријави не се спроведени пред надлежните обвинителства и нема оформени обвиненија. За оваа спрега меѓу Финансиска и Обвинителството, Муареми вели дека одговорноста е и кај Бирото за судски вештачења, а решението е веројатно да се постави временска рамка во која Обвинителство ќе мора да постапува.

На листата на најголем број кривични пријави за годинава, вкупно 38 кривични дела се детектирани кај даночното затајување, кое според Муареми, се прави најчесто преку фирмите што се отворени за оваа намена.

„Со Централниот регистар склучивме меморандум со кој тие се обврзани неделно да нè информираат за фирмите што се бришат од регистарот поради неактивност. За овие три години избришани се 30.000 фирми и токму меѓу нив се оние кои се отворени само со намена да затајат данок“, вели Муареми.

Муареми: Двајца бизнисмени од „Рекет“ разговараа со мене, но не кажаа дека се уценувани

Како човек кој претходно работел во специјалното јавно обвинителство, за поранешната шефица Катица Јанева коментира дека ја разочарала јавноста и ја разнишала довербата во оваа институција, која беше клучна во борбата со организираниот криминал. Муареми повлекол два предмети што ги доставил до СЈО, а се однесуваат на „Скопје 2014“ за да не застарат, а постапката ќе ја продолжи во Јавното обвинителство.

„За случајот ‘Рекет’ не бев повикан да постапувам. Не сум имал никакви средби со Бојан 13, а истрагата кај нас се водеше за невладината организација. Имав средба со двајца од вмешаните бизнисмени на која се разговараше за отворање на пензионерскиот дом, но тие не ми кажаа дека се уценувани“, вели Арафат.

Муареми открива дека од Македонија криминално стекнатите пари најчесто се изнесуваат во кеш. Нејчести дестинации каде што тие се одлеваат се Пакистан и Белизе.
За сето ова и можноста да се врати довербата во институциите и да продолжи борбата со оргнизираниот криминал, во интервјуто.

Би можело да ве интересира

Кривична пријава за поранешниот градоначалник на Зелениково и уште шест лица за злоупотреба на службената положба

Ана Ололовска

Ќе се вештачат проневерите од 2,4 милиони евра во ФФМ

Маја Илиевска-Пачемска

Приведени дваесетмина бизнисмени и сметководители од Тетово и Гостивар, испумпале над 1 милион евра од општините

Ана Василевска

Откако ги прошета обвинителствата, кривичната пријава за фалсификат во ФФМ одбиена како застарена

Кривични против сметководителката што допишувала нули, против експретседателот на ФФМ Ѓорѓиоски и уште 23 лица, проневериле 2,4 милиона евра

Маја Илиевска-Пачемска

Најмалку 10 лица ќе одговараат за криминалот од над 4,5 милиони евра во ФФМ