На директното вклучување на Канал 5, премногу наивно се појави „анонимус“ кој ни помалку ни повеќе извикна „ВМРО, Македонија“.
Ваквата глупост, „анонимус“ да извикува име на партија по се изгледа прв пат се случува во Македонија и незнаење на тие што пуштиле некој партиски член да се појави пред камерата. На крајот кажа и “поздрав“.
Маски од анонимуси може секој да нарача преку интернет и да ги купи, но тоа нема да гo направи анонимус.
Факт е дека во Македонија нема Анонимуси, а нивната борба е против власта, за слобода и за демократија, никако како поддршка за власта или некоја партија.
Ова сценарио кулминираше со повторување на водителот дека им влетал „анонимус“ во директното вклучување, па дури и емитување на снимката по втор пат на крајот на вестите.