Повисоки плати, намалување на невработеноста и влез во ЕУ и НАТО на Македонија во 2018 година, се дел од очекувањата на граѓаните кои ги анкетираше нашата екипа. На прашањето што очекуваат од политичарите, најголем дел од анкетираните упатија порака за помирување и подобрување на односите помеѓу власта и опозицијата.
„Очекуваме партиите, претходната која беше на власт и сегашната да се смират и да влеземе во НАТО.“
„Да нема антагонизам меѓу едните и другите, од власта и опозицијата. И здравје секако.“
„Да не се гледа кој како е политички ориентиран. Да не се бркаат луѓето од работа, така правеа претходните, сега овие за нив… Нема прав човек што може да ја води државата, сите се без врска.“