(ВИДЕО) Ангеловска: Наставниците се важен дел од образованието, власта да ги покачи платите

Од:

Да се биде учител, наставник, професор, воспитувач е најблагородната, најубавата, но и најодговорната професија што подразбира огромна посветеност не само кон младата личност туку и кон оној на кој му се потребни знаења, вештини и мотивација. Учителот, наставникот, професорот, просветниот работник е огледало на воспитно – образовниот процес, клучна алка за подобро образование и воспитание на младата популација, изјави Розалија Ангеловска, наставничка, на денешниот собир на наставници и просветни работници.

– Едно општеството може да оди напред само ако водиме грижа за зголемување на квалитетот на образованието. А токму наставниците ја играат најзначајна улога за унапредување на образованието, но и уште повеќе, за децата правилно да се насочат кон иднината во сите современи сфери и аспекти од животот. За наставниците секогаш во центарот на вниманието биле, се и ќе бидат учениците и студентите. Грижата за наставникот е грижа за оние кои го воспитуваат и образуваат нашите децата. А децата се нашата иднина, градители на нашето општество. Борбата за подобар животен стандард и достоинството на наставниците е борба за идните генерации. Просветните работници не сакаат да бидат потценети, девалвирани и уценети, пренатрупани со технички активности кои ги одвлекуваат од суштината на воспитно образовниот процес.

Сакаат да бидат морално и материјално соодветно вреднувани, да работат во современи училишта, без казни и терор, со поголеми плати, и подобри услови за работа. Бараат да бидат вклучени во подготовките на сите реформски процеси, да го дадат својот придонес за образованието. Ако можеше за 7 години секоја година да се зголемува платата на наставникот нема оправдување сега да не се зголемат. Законска обврска мора да се почитува. Одговорност на власта е да ги зголеми платите на наставниците, во септември за 12%. Од овде, пред зградата на надлежното Министерство порачуваме: Нема оправдувања! Зголемете ги платите! Наставниците тоа го заслужуваат – рече Ангеловска.

Би можело да ве интересира

СДСМ: На Велиген власта остави работници од повеќе институции без плата

Катерина Ѓуровски

ВМРО-ДПМНЕ: Да се извини Филипче и СДС што го лажеше народот дека „Бугари во Устав” се единствениот услов за напредок на државата

ССМ најави протест на 1 Мај – Меѓународниот ден на трудот

СДСМ: Со апсење само на поранешни полицајци истрагата за Кочани станува фарса

(ВИДЕО) Зекири: СДСМ бара оставка од Таравари по скандалот на Кардиохирургија, ова е хумана катастрофа!

Горан Наумовски

ВМРО-ДПМНЕ: Тендер тандемот Филипче-Заев во ек на Ковид кризата поништил тендер за томографии, па објавиле нов за 15 милиони денари поскап