Лидерот на ДУИ, Али Ахмети, триесет минути по полноќ, прв ја напушти лидерската средба во Пржино. Тој кажа дека постојат мали разлики во ставовите на лидерите на четирите политички партии и дека нема договорено име за министрите кои од денеска според договорот требаше да бидат избрани и изгласани од Собранието за членови на новата влада.
-За некои работи ги приближивме ставовите, за некои воопшто не. Договоривме работните групи од партиите да продолжат со преговори за надлежностите на преодните министри, рече Ахмети.