Адвокатите на деветмината осудени за тепање на пратеници во Собранието на кравивот четврток во изјава за медиумите рекоа дека се задоволни од пресудата со оглед на тоа што ја признале вината и се каеле за стореното.
– Голем дел од оштетените не побараа приклучок кон кривичниот прогон и се откажаа од штета, тоа беше во прилог на обвинетите, рече адвокатката Валентина Тодоровска, која додаде дека речиси сите биле примерни, неосодувани граѓани.
Адвокатот Владо Докулевски рече дека обвинетите биле свесни дека со самото присуство го извршиле кривичното дело, како и дека биле заведени од толпата.
– Испаднаа фер луѓето, си ја признаа вината и затоа беше санкцијата условна, што сите ја прифатија едногласно, рече Докулевски.
Според него, тепачите на пратеници и новинарски екипи навистина се каат за стореното дело.