ВИДЕО: „А1он“ вечерва во проверка колку снег исчисти Мицкоски

Од:

„Случајно“ беше фотографиран со лопатата во раце, а потоа и пофален во неколку медиуми. Лидерот на ВМРО-ДПМНЕ, Христијан Мицкоски, беше фотографиран како го чисти снегот пред неговата куќа. „А1он“ вечерва направи обиколка за да провери колку снег исчистил Мицкоски по фотографирањето. Останало истото парче, пред влезната порта, кога беше и фотографиран попладнево лидерот на ВМРО-ДПМНЕ. Останатиот простор пред домот на Мицкоски е под снег и мраз. Улицата е заледена и лизгава од ниските температури.

Мицкоски во текстот објавен на неколку портали беше претставен како домаќин кој не се срами да фати лопата и го расчистува снегот, но речиси целиот двор му е под снег.

И социјалните мрежи вријат од коментари по објавата со наслов: „Професор, политичар и лидер, ама и граѓанин за пример: Мицкоски ги засука ракавите и се фати за лопатата“. Твитерџиите меѓу првите се јавија со коментари како: „По фатов на лопатата ова му е вторпат во живот“, „Не му се засукани ракавите“, „Професор, политичар, лидер, лопатар“, „Од лопата се почнува, прашај Грујо“.

Инаку, делот од улицата пред куќата на Мицкоски не е единствениот кој е неисчитен. Речиси и целото негово соседство денеска не се занимавало со расчистување на снегот. Улицата е претворена во лизгалница, бидејќи е замрзната од ниските температури.

Би можело да ве интересира

Мицкоски: Ова во Собрание е тероризам, а не 27 април!

Мери Јордановска

Мицкоски: Не може сите блиски луѓе на Заев да се во криминал, а тој да е чист

СДСМ: Мицкоски е најголемиот бранител на криминалците

Катерина Павлова-Николовска

Мицкоски: Вукотиќ купил фирма во Бугарија од луѓе блиски до Заев

Габриела Димковиќ-Мишевска

Мицкоски обелодени нова афера „Мафија 2“: 20.000 лица имаат по два матични броја и постојат во избирачкиот список

Габриела Димковиќ-Мишевска

СДСМ: Пропадна уште еден обид на Мицкоски за одбрана на криминалот