Пратениците на ВМРО-ДПМНЕ и денеска на 12. маратонско продолжение од конститутивната седница ја узурпираат говорницата.
За говор беше јавен Димитар Стевананџија, а реплики веднаш имаа Владимир Ѓорчев, Анотонио Милошоски, Зоран Илиоски и Илија Димовски, а на сите нивни реплики со контра-реплика повторно се јавуваше Стевананџија.
Пратениците зборуваа за протести, за изборите кои поминаа, за декларацијата на партиите на Албанците, односно за се освен за Комисијата за избори и именување.
– Веќе две недели зборуваме за платформата или декларација, не е битно како се нарекува, туку што има во неа, рече Илија Димовски од ВМРО-ДПМНЕ.
Откако на кратко во дискусијата се приклучија пратениците од коалицијата на СДСМ, претседавачот Трајко Вељаноски даде пауза.