Вицепремиерот задолжен за европски прашања Фатмир Бесими денеска ќе престојува во Албанија, каде ќе има средби со министрите за европска интеграција и за надворешни работи, Клајда Ѓоша и Дитмир Бушати.
Секретаријатот за европски прашања (СЕП) најави дека на состаноците ќе се разговара за процесот на европската интеграција на двете земји и на регионот, како и за билатералната соработка во процесот на евроинтеграцијата.
– Вицепремиерот Бесими вчера и честиташе на политичката елита на Република Албанија за придонесот и работата од страна на сите државни структури за добивањето статус на земја-кандидат од Европската унија. Бесими му честиташе на премиерот на Албанија Еди Рама, министерот за европска интеграција Клајда Ѓоша и на министерот за надворешни работи Дитмир Бушати, нагласувајќи дека соработката меѓу двете земји ќе продолжи и ќе се зајакне врз основа на заемниот интерес на двете земји за членство во Европската унија, соопшти СЕП.