Детскиот културен центар „Карпош“ и годинава продолжува со реализација на проектот „Еден час пред стемнување, весел плоштад“, поддржан од Град Скопје. Плоштадот „Македонија“ ќе заживее со музика, фолклор и други активности наменети за децата, младите и граѓаните на Скопје.
Проектот почна на 8 мај годинава на платото пред „Сити Галери“, со настап на фолклорната секција во Детскиот културен центар „Карпош“. Програмата ќе се одржува секој петок и сабота, до крајот на годината од 19 до 20 часот.
Утре ќе настапи музичката секција при ДКЦ-Карпош, а задутре Фолклорната секција при ДКЦ-Карпош. На 24 и 25 овој месец ќе се одржи Гитаријада „Тремоло 2013“, а на 31 мај и 2 јуни ќе настапи Фолклорната секција при ДКЦ-Карпош. На 7 и 8 јуни ќе гостуваат фолклорни групи од Македонија.