Верификувани мандатите на четворицата нови пратеници

Од:

Собранието на денешната седница ги верификуваше мандатите на новите четворица пратеници: Мирче Аџиоски од ВМРО-ДПМНЕ, Рина Ајдари од ДУИ, Мирослав Јовановиќ и Лидија Тасевска од Коалицијата „Можеме“.

Верификацијата ја потврдија 83 пратеници кои гласаа по предлогот на Комисијата за мандатно-имунитетни прашања. Собранискиот спикер Талат Џафери им го честита мандатот на новите пратеници.

Овие народни избраници доаѓаат на местата на пратениците: Игор Дурловски од ВМРО-ДПМНЕ, Бајрам Реџепи од ДУИ и Мухамед Зекири и Сања Лукаревска од СДСМ, кои поднесоа оставки од пратеничките функции.

Никој од пратениците кои поднеса оставки не ги образложи причините пред Парламентот. Претходно оставките ги верифицираше Собранието, а имињата на новите пратеници ги достави Државната изборна комисија по барање на Претседателот на Собранието.

Би можело да ве интересира

Собранието ја отфрли интерпелацијата за министерот Тошковски

Горан Наумовски

Во Собранието пратенички прашања

Собранието ќе добие ново лого

Опозициските пратеници ќе им поставуваат прашања на премиерот и на министрите

Собранието одлучи: Се забранува употреба на пиротехника во затворен простор

Горан Наумовски

Пратеници од „Европски фронт“ поднесоа иницијатива за формирање на Анкетна комисија за трагедијата во Кочани