Претседателот на Собранието, Трајко Вељаноски, утре ќе ги распише локалните избори, што би требало да се одржат на 24 март.
Владејачката партија, пак, веќе следниот ден ќе се изјасни за условите што ги постави СДСМ за учество на опозицискиот фронт на претстојните избори, откако ќе заседа партискиот извршен комитет.
Според прогнозите, ако ВМРО-ДПМНЕ го прифати предлогот на опозицијата, во ист термин со локалните да се одржат и предвремени парламентарни избори, Собранието би требало да се распушти пред крајот на јануари, односно за петнаесетина дена.