Вељаноски не го признава Талат Џафери: Ќе закажам седница кога ќе биде поправена опремата

Од:

Трајко Вељаноски се огласи по хулиганскиот напад во Собранието и по два дена изрази жалење за истите. Во изјава за „Сител“, тој кажа дека МВР е задолжено за обезбедувањето и најверојатно имало пропусти, па затоа имало такви инциденти.

„Тој ден пречуствував дека ќе се случат овие работи. Зоран Заев зема процедурална и искажа тешки зборови, но мислев дека ќе преовладува разум. Пратениците упатија многу молби, мислев дека СДСМ нема да го направат ова. Тие имаа смислено сценарио. До мене како претседавач имаа дадено 35 потписи за Собранието да работи и во петок, а јас тоа го одобрив. Нивните документи не беа согласно Деловникот.“, вели Трајко Вељаноски.

Прашан за тоа што понатаму и дали планира да се продолжи седницата на Собранието, тој вели: „Можеме да зборуваме од два апсекти, правен легалистички и политички. Како може да кажат дека го избрале Талат Џафери за претседател во Собранието? Тие ги прекршија член 9 од Деловникот, член 36 од Уставот. Немаше јавност, собранискиот канал немаше пренос. По кој основ тие утврдија присуство и колку луѓе гласале? Немаше служба, срекретари, тие ги изолираа сите. По кој основ утврдија кој бил „за“, „против“? Деловникот вика дека избраниот претседател, свечената изјава ја дава пред претседавачот. Пред кого Талат Џафери ја даде изјавата?“

Вељановски, според неговите теории не го признава Талат Џафери за нов претседател, и затоа ќе продолжел да претседава со маратонските седници на кои не им се гледаше крајот.

„Не може со необјавена одлука во Службен весник, да има претседател на Собрание. За жал, морам да кажам, дека тие откако ја виделе оваа грешка, тие вршат притисок во Собрание. За жал после сите настани и искршената опрема, седницата во вторник се одлага. Кога ќе има услови, ќе закажам конститутивна седница, бидејќи истата не е завршена, а дододека не се заврши, не може да продолжиме понатаму“

Според Вељановски, на „шверцерски“ начин се избрал претседател во Собранието.

И покрај тврдењата на Трајко Вељаноски, Талат Џафери е признат од Европската унија, САД, Канада, Германија за нов претседател на Собранието и зад него има мнозинство пратеници. Како таков тој најави дека ќе ја закаже следната седница.

Би можело да ве интересира

Промена на собранискиот состав по локалните избори

Ана Ололовска

Џафери на Конференција во Атина, ќе се сретне со претседателот на грчкиот Парламент

Ана Ололовска

Џафери: Работиме на подобрување на транспарентноста на Парламентот

Џафери: Потребна е кредибилна европска перспектива за Западен Балкан, заснована на систем на заслуги

Ана Ололовска

Тројца амбасадори ќе ги претстават своите платформи пред собраниската Комисија за надворешна политика

Ана Ололовска

Џафери: Предлог-одлуката за формирање Анкетна комисија се враќа како неуредна, истата да се усогласи во рок од 15 дена

Ана Ололовска