Претседателот на Собранието Трајко Вељаноски денеска по повод празникот Свети Сава упати честитка до припадниците на српската заедница во Република Македонија.
– Денешниот празник, посветен на најголемиот српски просветител и светец е препознатлив симбол на српскиот народ секаде во светот. Славењето на најголемиот српски просветител, светец и државник, славењето на неговиот лик и неговото дело дава придонес во промовирањето на различните култури и традиции во Република Македонија. Негувањето на меѓусебните односи нека ни биде заедничка цел која ќе остане вредно наследство за идните поколенија. Убеден сум дека заедничката определба ни е почитување на сите етнички заедници и нивните верски права, несебично залагање и придонес кон остварување на заедничките цели, зајакнување на Република Македонија и нејзиното евро-атлантско интегрирање, се вели во честитката.