Делегација од Собранието на Република Македонија и Министерството за одбрана, предводена од претседателот Трајко Ваљаноски и министерот Талат Џафери од денеска претстојуваат во посета на македонските мировници кои се дел од силите ИСАФ во Авганистан.
За време на посетата, Министерството за одбрана соопшти дека делегацијата ќе оствари средби со воениот врв на силите, односно командантот на ИСАФ, генералот Џозеф Данфорд, со најстариот цивилен претставник на НАТО во Авганистан, амбасадорот Мауриц Јохемс и со заменик-командантот на силите, генералот-потполковник Џон Лоример.
Предвидена е средба и со министерот за одбрана на Авганистан, Бисмила Кан Мохамади.
Во рамки на посетата, делегацијата, чиј дел е и началникот на штаб на ЗОК, бригадниот генерал Стојан Димчов, како и пратеникот Оливер Спасовски, ќе оствари средба со припадниците на контингентот, каде подетално ќе се запознаат со секојдневните задачи на македонските мировници, а ќе ги посети и нивните работни места.
