СВР-Велес апелира до граѓаните да внимаваат при купувањето огревни дрва, особено од непознати лица, неовластени доставувачи на дрва, како и лица кои нудат дрва по поволна цена.
– Сето тоа бидејќи на територијата која ја покрива Полициската станица Велес има регистрирано појави кога граѓаните се доведени во заблуда најчесто од непознати лица кои нудат за продажба огревни дрва.Тие на најразлични начини успеваат да ги измамат доведувајќи ги во заблуда без никаков документ да им исплатат одредена сума пари при што во најкраток рок ќе им бидат доставени договорените количества огревни дрва, информира Анита Стојковска, портпарол на СВР-Велес.
Стојковска апелира до граѓаните при плаќањето задолжително да побараат документ за уплатената сума од фирмата и повикува доколку забележат ваква појава, веднаш да ги известат надлежните органи односно полицијата.