Здружението за заштита на животните ги повикува сите граѓани да им се придружат на мирен протест пред циркусот „Сафари“ кој гостува во Скопје. Протестот е закажан за вечерва во 19 часот, а неговата цел е да се покаже дека освен тоа што циркусот има бела страна и ги забавува граѓаните, малкумина знаат за црната страна кога се мачат животните по гаснењето на светлата.
Протестот ќе се одржи пред шаторот на циркусот кој е поставен во непосредна близина на спортскиот центар “Борис Трајковски”, под мотото “Вие имате избор, но тие не”.
Карванот од Унгарија пристигна со 30-тина циркузанти, но и со лавови, слонови и нилски коњ, кои патуваат повеќе десетици часови во тесни кафези, без храна и вода.