Варвициотис: Исходот од Самитот на ЕУ не е пријатна разврска за Грција

Од:

Разврската од Самитот на ЕУ не е пријатна за Грција и не оди во корист на стабилноста во регионот, изјави грчкиот алтернативен министер за надворешни работи Милтиадис Варвициотис во интервју за грчкото радио „Реал фм“, истовремено истакнувајќи дека ни разделувањето на кандидатурите на Северна Македонија и Грција немаше да биде во прилог на стабилноста на регионот.

– Сигурно е дека тоа не е пријатна разврска за нас. Тоа е разврска што не е во корист на стабилноста во регионот. Но, би ви рекол и дека немаше да биде во корист на стабилноста на регионот и одлука што ќе велеше „да“ за Скопје, „не“ за Тирана, бидејќи во суштина ќе го радикализираше албанскиот елемент кој има многу големо влијание како во Скопје, така и во Косово, вели Варвициотис, додавајќи дека ставот на многумина, а меѓу нив и на грчкиот премиер Кирјакос Мицотакис, бил дека „не е во корист на стабилноста на регионот разделување на двата случаи“.

Варвициотис, објасни дека и шефот на грчката дипломатија Никос Дендиас и премиерот Мицотакис, но и тој лично, минатата седмица на состаноците на ЕУ, излегле со став дека првпат во историјата постои можност „на север да се граничиме со земји кои полека го добиваат статусот член на Европската Унија“.

Во однос на ЕУ перспективата на земјава, тој вели дека таа „не била поништена, туку само одложена“.

– Вистина е дека скопската страна беше многу притисната. Заев сите денови на самитот се закануваше дека ако не помине договорот ќе поднесе оставка, за што никој од Европа не му кажа дека би било многу мудро да го стори, бидејќи со одлуката не се поништи нивниот европски тек, туку се одложи за следниот самит што ќе се одржи на балкански терен, во Хрватска, во Загреб и вниманието особено ќе биде насочено на она што се случува на Балканот, рече Варвициотис.

Во интервјуто за грчкото радио тој уште еднаш повтори дека Грција „притиска за спроведување“ на Договорот од Преспа, нагласувајќи дека тоа прашање било една од темите на средбата што ја имаше со вицепремиерот Бујар Османи.

Би можело да ве интересира

Хрватска: Го поддржуваме писмото Скопје и Тирана да добијат преговори во март, но нема да го потпишеме

Татјана Ташкова

Шаленберг: ЕК има одлучувачка улога во дебатата за проширувањето

Францускиот предлог не е прифатлив за сите земји членки на ЕУ

Шест членки на ЕУ согласни за нова методологија, но Скопје и Тирана да добијат преговори во март

Моншален: Процесот на проширување на ЕУ каков што е сега не функционира

Ана Ололовска

ЕУ денеска ќе дискутира за проширувањето, но не и за францускиот предлог

Ана Ололовска