Вакцинацијата во земјава ќе почне в среда најави министерот за здравство Венко Филипче веднаш по предавањето на вакцините од Србија за Македонија на Табановце.
„Трипартитниот договор беше потпишан вчера, ова беше услов за да се случи донацијата. Утре ќе бидат завршени процедурите во Агенцијата за лекови, а вакцинацијата ќе почне в среда во модуларната клиника во клиничкиот центар во Скопје“ – рече Филипче.
Македонија денеска доби 4680 дози вакзини на Фајзер/Бионтек кои ги отстапи соседна Србија.
Вакцинацијата ќе се одвива во три фази. Во првата фаза, предвидено е да се вакцинираат здравствените работници кои се во првата линија на одговор во болнички услови со висок и многу висок ризик за стекнување и пренесување на инфекција.
Во оваа фаза, предвидено е да се вакцинираат и следните приоритетни групи: постари возрасни лица со висок ризик да развијат болест, компликации и смрт исход, дефинирани со ризик врз основа на возраст, лица постари од 70 години.