Европратеникот и известувач за Македонија Иво Вајгл заедно со своите колеги Едвард Кукан и Кнут Флекенштај на крајот на февруари ќе допатуваат на средби во Македонија, за да биде договорен новиот датум за средбите во рамки на процесот „Жан Моне“.
Вајгл во интервју за МИА, истакна дека нивната и понудата на ЕП на македонското Собрание да организираат разговори во формација „Жан Моне“ е се уште актуелна и оти најавената јануарска средба не била реализирана бидејќи европратениците не добиле дефинитивна потврда од ВМРО-ДПМНЕ.