Јавен увид во Избирачкиот список во подрачните одделенија и канцеларии на ДИК од 26 јануари 2013 година кога започна увидот, заклучно со денешниот ден (01.02.2013) извршиле вкупно 13.142 граѓани, соопшти Државната изборна комисија.
Увидот ќе трае до 9 февруари 2013 година до кога гласачите ќе можат да проверат дали се наоѓаат на Избирачкиот список.
Увидот се врши секој ден во периодот од 08.30 до 19.00 часот со можност за запишување, дополнување или бришење на податоците од Избирачкиот список. Воедно, се повикуваат сите полнолетни граѓани кои после 11 јануари 2013 година, извадиле биометриска лична карта или патна исправа да се јават во Подрачните одделенија и канцеларии на Државната изборна комисија заради проверка и впишување во Избирачкиот список за време додека трае јавниот увид.
– Доколку по завршувањето на јавниот увид не поднесат барање, граѓаните нема да имаат право да бидат запишани во Избирачкиот список за Локалните избори 2013, стои во соопштението.
Гласачите проверката можат да ја вршат и по електронски пат преку веб страницата на ДИК: www.sec.mk во делот Избирачки список.
