Утврдена листата кандидати за членови на ДИК, Насер Зибери предложен за народен правобранител

Од:

Собраниската Комисија за прашања на изборите и именувањата на денешната седница ја утврди листата на пријавени кандидати за избор на претседател и членови на ДИК, а на предлог на ДУИ, Насер Зибер со седум гласа „за“ е утврден за предлог-кандидат за народен правобранител.

Огласот за членови на ДИК заврши, а до Комисијата се пристигнати пријави од 14 кандидати меѓу кои има и поранешни и актуелни членови, но и вработени во службите во Комисијата и правници. Мандатот на актуелниот состав на ДИК завршува на 15 јануари. Досега само ВМРО-ДПМНЕ ја потврди поддршката за Александар Даштевски за претседател на ДИК.

Според процедурата, откако денеска Комисијата за прашања на избори и именувања ќе ја утврди листата на кандидати, ја испраќа до претседателот на Собранието Талат Џафери, кој пак во рок од три дена ја препраќа до партиите кои треба да се изјаснат кои кандидати ги поддржуваат за членови на највисокото изборно тело во државата.

Листата со поддржани кандидати се доставува назад до Комисијата за прашања на избори и именувања, која ја утврдува и потоа таа се доставуваа до пленумот кој треба да гласа. Рок за одговор од партиите нема, но постапката, според досегашите искуства, може да заврши во рок од еден ден.

На огласот за народен правобранител, што беше распишан на крајот на ноември, пристигнале четири кандидатури.

Пратеничката од ДУИ Теута Биљали Зендели на седницата предложи Насер Зибери да биде утврден како кандидат на Комисијата за народен правобранител.

Би можело да ве интересира

Пратеничките групи ги продолжуваат разговорите за измени или за нов Деловникот на Собранието

Ана Ололовска

Џафери на координација со пратеничките групи за договор за пленарна седница

Ана Ололовска

Зендели: Нема проблем во владиното мнозинство, проблемот е во пратеничката група на ДУИ

Ана Ололовска

Заев: Се анализираат можности за ново законско решение за стечајците

Ана Ололовска

Џафери очекува разврска во врска со недоаѓањето на пратеници од владејачкото мнозинство на седниците

Ана Ололовска

Локални избори на 3-ти, 10-ти или 17-ти октомври

Ана Ололовска