Утре почнува меѓународниот саем ТЕХНОМА

Од:

Скопски саем од утре до 19 овој месец ќе биде домаќин на 39. издание на Меѓународниот саем на металургија, електроника, енергетика, неметали, градежништво, обезбедување и заштита ТЕХНОМА 2013. Најавено е присуство на саемот на повеќе од 200 домашни и странски компании од кои 50 со групно учество од Италија, Грција, Бугарија, Словенија и Хрватска.

Во фокусот на програмите на изложувачите и годинава останува заштедата на енергијата, а најпроактивни ќе бидат малите и средните претпријатија, оценуваат од Скопски саем.
Паралелно со 39. издание на ТЕХНОМА 2013 на Скопски саем ќе се одржат и 14. Меѓународен саем на занаетчиство и мало стопанство, 33. Меѓународна изложба на иновации – МАКИНОВА, како и Изложба на агромеханизација како сегмент на 63. Меѓународен саем за широка потрошувачка АГРОФУД.

Меѓународната асоцијација Централна европска алијанса на саеми, пак, организира средба на експерти на тема „Еколошки места за настани“.

Од Скопски саем истакнуваат дека интересот за учество на ТЕХНОМА воопшто не се намалува и оти по бројност учесниците ќе бидат како и минатата година. Намален е изложбениот простор, односно ќе се изложува на површина од 12.000 метри квадратни, а како причина се наведува настојувањата на компаниите да ги намалат трошоците за изложба на експонати.

На Меѓународната изложба на иновации МАКИНОВА е најавено претставување на стотина експонати од кои 30 од Македонија, 10 како младинско творештво и по 10 од Србија, Хрватска и Босна и Херцеговина. Ќе бидат изложени и 10 експонати од меѓународни изложби.
Како заеднички дел од АГРОФУД и ТЕХНОМА, според најавите, ќе биде изложувањето на агромеханизацијата во дворот пред Управната зграда на Скопски саем, а најавено е и прогласување најпроактивен земјоделец.

Би можело да ве интересира

Николовски: Македонското вино е нашиот најдобар промотор

Груби ги кани невработените да се запознаат со работата на „Бехтел и Енка“, а тие уште не почнале да градат

A1on

Владата три дена одбива да каже колку пари потроши за стоте луѓе кои во Белград дегустираа вина

A1on

И Абазовиќ ќе присуствува на саемот Винска визија Отворен Балкан во Белград

А1он

Меѓународен саем „Органска трпеза” во Куманово

А1он

Виртуелен саем за развивање одржливи навики, мода и зелени бизниси

Ана Ололовска