Уставен не поведе постапка за Одлуката за промена на имињата на улиците

Од:

Уставниот суд на денешната седница не поведе постапка за иницијативата за оценување на уставноста и законитоста на Одлуката за определување и промена на имиња на улици, мостови и други инфраструктурни објекти на подрачјето на Град Скопје, донесена од Советот на Град Скопје на 14 јуни 2012 година.

Одлуката беше оспорена од скопјанецот Слободан Близнаковски од аспект на постапката на донесувањето, односно дека пред да се донесе Одлуката од Советот на Градот не биле обезбедени мислења од сите 10 општини од подрачјето на Градот и дека некои од донесените мислења од општините до Градот биле дадени од ненадлежен орган, а не од Советот на општината.

На седницата беше поведена постапка за иницијативата поднесена на Одлуката за измена на ГУП за блок 80, од 31 мај 2012 година и на Одлуката за измена на ДУП за блок 80, од 29 август 2012 година, донесени од Советот на општина Тетово.

Судиите денеска ја отфрлија иницијативата поднесена на Одлука  донесена од Советот на општина Ѓорче Петров донесена во декември 2012 година.

Би можело да ве интересира

Земјотрес во Грција, почувствуван и во Македонија

Паднати дрвја, поплави и сообраќајни пречки на неколку локации во Скопје

Горан Наумовски

Скопје го зафати невреме проследено со пороен дожд, силен ветер и интензивна појава на град

Горан Наумовски

Починат маж е пронајден во стан во Скопје, истрагата е во тек

Притвор за турски државјанин кој со капак од шахта тепаше сограѓанин во Скопје

А1он

Обвинителство: Ja убил партнерката пред петгодишно дете, па сакал да избега