Уставен „пресече“ против „Фокус“ а во корист на Мијалков

Од:

Уставниот суд го одби барањето за заштита на слободите и правата поднесено од новинарите на „Фокус“, Владо Апостолов и Јадранка Костова, а во врска со пресудата со која тие беа парично казнети за нарушување на честа и угледот на некогашниот прв човек на УБК, Сашо Мијалков.

Мијалков ја поднесе тужбата против весникот „Фокус“ поради два објавени написи, засновани врз изјави на поранешниот амбасадор Игор Илиевски, со обвинувања против екс шефот на УБК.

Основниот суд Скопје II Скопје пресуди дека тужените новинари се одговорни за клевета сторена спрема тужителот Мијалков. Апелациониот суд ја потврди првостепената пресуда.

Уставниот суд во својата одлука наведува дека „првостепениот и вторстепениот суд правилно утврдиле дека не постојат основи за исклучување на одговорноста на новинарот Владо Апостолов и главниот и одговорен уредник Јадранка Костова“, за написите објавени во дневниот весник „Фокус“.

„Првостепениот и вторстепениот суд, со примена на наведените уставни и законски одредби, како и соодветна практика на Судот за човекови права во Стразбур, правилно утврдиле дека не постојат основи за исклучување на одговорноста на новинарот Владо Апостолов и главниот и одговорен уредник Јадранка Костова за написите објавени во дневниот весник „Фокус“. Имено, во постапката пред судовите тужените не успеале да докажат дека објавувањето на е-маил комуникацијата, доставена од првотужениот Игор Илиевски имало за цел предизвикување на јавна дебата“, се наведува во одлуката на Уставниот суд.

Во одлуката се додава дека според првостепениот суд информациите не содржеле информации од јавен интерес и туку имале интенција „да се започне пренесување на гласини, кои сериозно повредувале нечие право на чест и углед“.

Би можело да ве интересира

Бубевски: Умислата е причина за Тачи да биде построго казнет, за Мијалков е побудата поради која го сторил делото

Кристијан Ландов

ВИДЕО: Мијалков овојпат со затворско комбе симнат позади судот, завршни зборови за „Титаник 2“

Кристијан Ландов

За Мијалков призна дека е привилегиран, за замолчувањето на Боки 13 ги компромитира Маричиќ и Тупанчески, за Јанкулоска признава дискриминација – интервју со директорот за санкции

Кристијан Ландов

Сашо Мијалков не ја дочекал новата година во затвор, бил на викенд

Кристијан Ландов

(ВИДЕО) Мијалков донесен во судот: Прашан дали доаѓа од Мериот или од затворот во Струга

Кристијан Ландов

Истрагата докажа дека затворските власти во Струга за случајот „Мијалков“ постапиле законски

Ана Ололовска